ਸਪੋਰਟਸ, 26 ਅਕਤੂਬਰ 2026: IND ਬਨਾਮ NZ: Ishan Kishan ruled out: ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਪੰਜ ਮੈਚਾਂ ਦੀ ਟੀ-20 ਸੀਰੀਜ਼ ਦਾ ਤੀਜਾ ਮੈਚ ਮੰਗਲਵਾਰ (27 ਅਕਤੂਬਰ) ਨੂੰ ਵੈਲਿੰਗਟਨ ‘ਚ ਖੇਡਿਆ ਜਾਣਾ ਹੈ। ਵੈਭਵ ਸੂਰਿਆਵੰਸ਼ੀ ਦਾ ਇਸ ਮੈਚ ‘ਚ ਖੇਡਣਾ ਲਗਭਗ ਤੈਅ ਹੈ। ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ ਨੇ ਸੋਮਵਾਰ (26 ਅਕਤੂਬਰ) ਨੂੰ ਦੱਸਿਆ ਕਿ ਈਸ਼ਾਨ ਕਿਸ਼ਨ ਆਪਣੀ ਸੱਟ ਤੋਂ ਠੀਕ ਨਹੀਂ ਹੋਏ ਹਨ ਅਤੇ ਤੀਜੇ ਟੀ-20 ਮੈਚ ‘ਚ ਨਹੀਂ ਖੇਡ ਸਕਣਗੇ। ਝਾਰਖੰਡ ਦੇ ਵਿਕਟਕੀਪਰ-ਬੱਲੇਬਾਜ਼ ਕੁਮਾਰ ਕੁਸ਼ਾਗਰਾ ਭਾਰਤੀ ਟੀਮ ਦੇ ਨਾਲ ਹੋਣਗੇ।
ਈਸ਼ਾਨ ਕਿਸ਼ਨ ਅਜੇ ਖੇਡਣ ਲਈ ਪੂਰੀ ਤਰ੍ਹਾਂ ਫਿੱਟ ਨਹੀਂ ਹੈ ਅਤੇ ਇਸ ਲਈ, 27 ਅਕਤੂਬਰ, 2026 ਨੂੰ ਵੈਲਿੰਗਟਨ’ਚ ਹੋਣ ਵਾਲੇ ਤੀਜੇ ਟੀ-20 ਮੈਚ ਤੋਂ ਬਾਹਰ ਕਰ ਦਿੱਤਾ ਗਿਆ ਹੈ। ਬੀ.ਸੀ.ਸੀ.ਆਈ. ਮੈਡੀਕਲ ਟੀਮ ਈਸ਼ਾਨ ਦੀ ਰਿਕਵਰੀ ਦੀ ਨਿਗਰਾਨੀ ਕਰ ਰਹੀ ਹੈ।” ਕੁਮਾਰ ਕੁਸ਼ਾਗਰਾ ਤੀਜੇ ਟੀ-20ਆਈ ਲਈ ਵੀ ਟੀਮ ਨਾਲ ਰਹਿਣਗੇ।
ਭਾਰਤ ਇਸ ਸਮੇਂ ਪੰਜ ਮੈਚਾਂ ਦੀ ਸੀਰੀਜ਼ 2-0 ਨਾਲ ਅੱਗੇ ਹੈ। ਭਾਰਤ ਨੇ ਕ੍ਰਾਈਸਟਚਰਚ ‘ਚ ਪਹਿਲਾ ਟੀ-20ਆਈ 4 ਵਿਕਟਾਂ ਨਾਲ ਜਿੱਤਿਆ। ਉਨ੍ਹਾਂ ਨੇ ਦੂਜਾ ਵੀ 4 ਵਿਕਟਾਂ ਨਾਲ ਜਿੱਤਿਆ। ਦੂਜੇ ਟੀ-20ਆਈ ‘ਚ ਈਸ਼ਾਨ ਕਿਸ਼ਨ ਦੀ ਜਗ੍ਹਾ ਲੈਣ ਵਾਲੇ ਵੈਭਵ ਸੂਰਿਆਵੰਸ਼ੀ ਨੇ ਤੀਜੇ ਨੰਬਰ ‘ਤੇ ਬੱਲੇਬਾਜ਼ੀ ਕੀਤੀ।
ਉਨ੍ਹਾਂ ਨੇ 8 ਗੇਂਦਾਂ ‘ਤੇ 4 ਦੌੜਾਂ ਬਣਾਈਆਂ। ਭਾਰਤ ਨੇ 19.5 ਓਵਰਾਂ ‘ਚ 6 ਵਿਕਟਾਂ ਦੇ ਨੁਕਸਾਨ ‘ਤੇ 181 ਦੌੜਾਂ ਦਾ ਟੀਚਾ ਪ੍ਰਾਪਤ ਕਰ ਲਿਆ। ਤਿਲਕ ਵਰਮਾ ਨੇ 26 ਗੇਂਦਾਂ ‘ਤੇ ਨਾਬਾਦ 51 ਦੌੜਾਂ ਬਣਾਈਆਂ। ਨਿਤੀਸ਼ ਕੁਮਾਰ ਰੈੱਡੀ ਨੇ 13 ਗੇਂਦਾਂ ‘ਤੇ ਨਾਬਾਦ 26 ਦੌੜਾਂ ਬਣਾਈਆਂ, ਅਤੇ ਨਮਨ ਧੀਰ ਨੇ 17 ਗੇਂਦਾਂ ‘ਤੇ 31 ਦੌੜਾਂ ਬਣਾਈਆਂ।
Read More: IND ਬਨਾਮ NZ: ਨਿਤੀਸ਼ ਰੈੱਡੀ ਤੇ ਤਿਲਕ ਵਰਮਾ ਨੇ ਭਾਰਤ ਨੂੰ ਦਿਵਾਈ ਜਿੱਤ, ਨਿਊਜ਼ੀਲੈਂਡ ਵੱਲੋਂ ਟੀਮ ‘ਚ ਬਦਲਾਅ