ਉੱਤਰਕਾਸ਼ੀ : ਉੱਤਰਾਖੰਡ ਦੇ ਉੱਤਰਕਾਸ਼ੀ ਜ਼ਿਲ੍ਹੇ ਵਿੱਚ ਸਥਿਤ ਪ੍ਰਸਿੱਧ ਗੰਗੋਤਰੀ ਧਾਮ ਦੇ ਕਿਵਾੜ 10 ਨਵੰਬਰ ਨੂੰ ਸਰਦੀਆਂ ਦੇ ਮੌਸਮ ਲਈ ਬੰਦ ਕਰ ਦਿੱਤੇ ਜਾਣਗੇ। ਮੰਦਰ ਦੇ ਕਿਵਾੜ ਦੁਪਹਿਰ 12 ਵੱਜ ਕੇ 5 ਮਿੰਟ ’ਤੇ ਬੰਦ ਹੋਣਗੇ।
ਗੰਗੋਤਰੀ ਮੰਦਰ ਕਮੇਟੀ ਦੇ ਪ੍ਰਧਾਨ ਧਰਮਾਨੰਦ ਸੇਮਵਾਲ ਮੁਤਾਬਕ, ਧਾਰਮਿਕ ਰਵਾਇਤਾਂ ਅਤੇ ਪੰਚਾਂਗ ਅਨੁਸਾਰ ਕਿਵਾੜ ਬੰਦ ਕਰਨ ਦਾ ਸ਼ੁੱਭ ਸਮਾਂ ਤੈਅ ਕੀਤਾ ਗਿਆ ਹੈ। ਅੰਨਕੂਟ ਦੇ ਤਿਉਹਾਰ ਮੌਕੇ ਇਹ ਰਸਮ ਨਿਭਾਈ ਜਾਵੇਗੀ।
ਕਿਵਾੜ ਬੰਦ ਹੋਣ ਤੋਂ ਬਾਅਦ ਮਾਂ ਗੰਗਾ ਦੀ ਉਤਸਵ ਡੋਲੀ ਰਵਾਇਤੀ ਰਸਮਾਂ ਨਾਲ ਮੁਖਬਾ ਸਥਿਤ ਗੰਗਾ ਮੰਦਰ ਲਈ ਰਵਾਨਾ ਹੋਵੇਗੀ। ਸਰਦੀਆਂ ਦੇ ਮਹੀਨਿਆਂ ਦੌਰਾਨ ਸ਼ਰਧਾਲੂ ਮੁਖਬਾ ਵਿਖੇ ਮਾਂ ਗੰਗਾ ਦੇ ਦਰਸ਼ਨ ਕਰ ਸਕਣਗੇ।
ਜ਼ਿਕਰਯੋਗ ਹੈ ਕਿ ਗੰਗੋਤਰੀ ਧਾਮ ਦੇ ਕਿਵਾੜ ਹਰ ਸਾਲ ਸਰਦੀਆਂ ਦੀ ਸ਼ੁਰੂਆਤ ਮੌਕੇ ਬੰਦ ਕੀਤੇ ਜਾਂਦੇ ਹਨ। ਇਸ ਦੌਰਾਨ ਮੰਦਰ ਵਿੱਚ ਨਿਯਮਤ ਦਰਸ਼ਨ ਬੰਦ ਰਹਿੰਦੇ ਹਨ ਅਤੇ ਮਾਂ ਗੰਗਾ ਦੀ ਪੂਜਾ ਸਰਦੀਆਂ ਲਈ ਨਿਰਧਾਰਤ ਸਥਾਨ ’ਤੇ ਕੀਤੀ ਜਾਂਦੀ ਹੈ।
The post ਗੰਗੋਤਰੀ ਧਾਮ ਦੇ ਕਿਵਾੜ 10 ਨਵੰਬਰ ਨੂੰ ਹੋਣਗੇ ਬੰਦ, ਜਾਣੋ ਸਮਾਂ appeared first on Latest Punjabi News.