ਨਵੀਂ ਦਿੱਲੀ: ਸ੍ਰੀਨਗਰ ਹਵਾਈ ਅੱਡੇ ‘ਤੇ ਵੱਡਾ ਹਾਦਸਾ ਟਲ ਗਿਆ। ਇੰਡੀਗੋ ਏਅਰਲਾਈਨਜ਼ ਦਾ ਇੱਕ ਯਾਤਰੀ ਜਹਾਜ਼ ਲੈਂਡਿੰਗ ਦੌਰਾਨ ਰਨਵੇ ਦੇ ਨੇੜੇ ਇੱਕ ਲਾਈਟ ਪੋਲ ਨਾਲ ਟਕਰਾ ਗਿਆ। ਖੁਸ਼ਕਿਸਮਤੀ ਵਾਲੀ ਗੱਲ ਇਹ ਹੈ ਕਿ ਇਸ ਘਟਨਾ ਵਿੱਚ ਜਹਾਜ਼ ਵਿੱਚ ਸਵਾਰ ਸਾਰੇ ਯਾਤਰੀ ਅਤੇ ਚਾਲਕ ਦਲ ਦੇ ਮੈਂਬਰ ਪੂਰੀ ਤਰ੍ਹਾਂ ਸੁਰੱਖਿਅਤ ਹਨ।
ਏਅਰਲਾਈਨ ਦੇ ਮੁਤਾਬਕ, ਅੱਜ ਸਵੇਰੇ ਸ਼੍ਰੀਨਗਰ ਏਅਰਪੋਰਟ ‘ਤੇ ਪਾਰਕ ਕਰਦੇ ਸਮੇਂ ਨਵੀਂ ਮੁੰਬਈ ਤੋਂ ਸ਼੍ਰੀਨਗਰ ਜਾ ਰਹੀ ਇੰਡੀਗੋ ਦੀ ਫਲਾਈਟ ‘ਵਿਜ਼ੂਅਲ ਡਾਕਿੰਗ ਗਾਈਡੈਂਸ ਸਿਸਟਮ’ (ਵੀ.ਡੀ.ਜੀ.ਐਸ.) ਖੰਭੇ ਨਾਲ ਟਕਰਾ ਗਈ। ਇੰਡੀਗੋ ਦੀ ਫਲਾਈਟ 6ਈ 225 ਨਾਲ ਇਹ ਹਾਦਸਾ ਸਵੇਰੇ 9:02 ਵਜੇ ਵਾਪਰਿਆ, ਜਦੋਂ ਜਹਾਜ਼ ‘ਬੇ ਨੰਬਰ 06’ ‘ਤੇ ਪਾਰਕ ਕੀਤਾ ਜਾ ਰਿਹਾ ਸੀ।
ਇੰਡੀਗੋ ਏਅਰਲਾਈਨ ਨੇ ਕਿਹਾ ਕਿ ਅਸਲ ਕਾਰਨ ਜਾਂਚ ਪੂਰੀ ਹੋਣ ਤੋਂ ਬਾਅਦ ਹੀ ਪਤਾ ਲੱਗੇਗਾ ਅਤੇ ਫਿਲਹਾਲ ਕੋਈ ਸਿੱਟਾ ਨਹੀਂ ਕੱਢਿਆ ਗਿਆ ਹੈ। ਇੰਡੀਗੋ ਨੇ ਕਿਹਾ ਕਿ ਘਟਨਾ ਤੋਂ ਬਾਅਦ ਹਵਾਈ ਅੱਡੇ ਦਾ ਕੰਮਕਾਜ ਆਮ ਵਾਂਗ ਰਿਹਾ ਅਤੇ ਉਡਾਣਾਂ ਦੀ ਆਮਦ ਅਤੇ ਰਵਾਨਗੀ ਨਿਰਧਾਰਤ ਸਮੇਂ ਅਨੁਸਾਰ ਜਾਰੀ ਰਹੀ।